Primeiro: O Xulgado de 1.ª Instancia Núm. 1 de Vigo, con data do 21 de novembro de 2014, ditou unha sentenza coa seguinte parte dispositiva:

"Desestimando integramente las acciones promovidas por la representación de Geronimo y Otilia contra Amanda y Octavio , debo absolver y absuelvo a los demandados de las pretensiones contra ellos sostenidas, con expresa imposición a los demandantes de las costas procesales."

Segundo: Contra a dita sentenza o/a procurador/a D./D.ª TICIANO ATIENZA MERINO, en representación de D. Geronimo , D.ª Otilia , presentou un recurso de apelación, que foi admitido en ámbolos efectos, consonte o disposto no artigo 455 da Lei de axuizamento civil (LAC).

Logo de cumpri-los trámites legais, eleváronse as presentes actuacións á Audiencia Provincial de Pontevedra e correspondéronlle por quenda de reparto a esta Sección Sexta con sede en Vigo. Sinálase para a deliberación do presente recurso o día 17 de decembro de 2015.

Primeiro : A finalidade de toda acción de deslindamento é a de lograr a individualización do predio mediante a gráfica fixación da liña do seu polígono. Presupón, xa que logo, unha confusión de límites entre predios lindeiros, non procedendo cando estes resulten plena e indubitablemente sinalados e verificados, e interesa, en fin, soamente aos propietarios dos fundos que estean en estremas incertas ou discutidas ( sentenzas do T. S. de 27-5-74 , 27-4-81 , 20-1-83 , 18-4-84 , 21-6-97 , 14-10-2002 , 14-5-2010 e 10-12-2013 ).

Dende un punto de vista conceptual o termo confusión non ofrece problemas, equivalendo a indeterminación ou imprecisión de lindeiros. A dificultade existe, pola contra, á hora de trasladar ese concepto, na súa vertente xurídica, á realidade xeográfica dos predios litixiosos, dados os múltiplos e moi variados elementos físicos, tanto naturais como produto da obra do home, con que podemos atoparmos. E esa diversidade e casuismo conlevan que non sexa doado establecer criterios xerais, e para todos os casos, sobre a existencia da confusión.de lindes. Pois ben, dentro desa dificultade, derivada do relativismo concurrente, a doutrina xurisprudencial ten sentado, por exemplo, que "hay confusión real de linderos cuando no existen datos físicos delimitadores de las fincas"; ou cando "los demandados han levantado recientemente de modo unilateral una valla para delimitar su finca en la forma que han estimado conveniente...". Pola contra, non será proc